Këngëtari i R&B, B. Smyth vdiq të enjten (17 nëntor) në moshën 28 vjeçare pas një beteje me fibrozën pulmonare, tha vëllai i tij.
Vëllai i B. Smyth, Denzil detajoi ngjarjet tragjike në një klip të postuar në faqen e Instagramit të artistit të ndjerë.
“Sot me keqardhje më duhet të njoftoj se vëllai im ka ndërruar jetë këtë mëngjes nga dështimi i frymëmarrjes pas një beteje të gjatë me fibrozën pulmonare”, tha Denzil në mbishkrimin e postimit.
Denzil tha në një klip shoqërues se vëllai i tij i ndjerë ishte i lumtur ku pa reagimin e fansave ndaj këngës së tij “Twerkoholic Part 2′ gjatë sëmundjes së tij, shkruan DailyMail.
“Të gjitha ato postime të reja të TikTok dhe Instagram e bënë atë vërtet, vërtet të lumtur. Dhe ai ishte në gjendje të kishte një proces më të qetë, ai tregova gjithë dashurinë që po dërgonit në rrjetet sociale, ai me të vërtetë e ndjeu atë”, tha tutje vëllai i artistit.
Ai tha në mbishkrimin, ‘Vëllai im ishte shumë i emocionuar kur pa shumë prej jush duke krijuar sfida për këngën e tij të fundit të publikuar #Twerkoholic, pjesa 2, ndërsa ishte në ICU, me të vërtetë i solli një buzëqeshje të madhe në fytyrën e tij.
“Pra, në emër të vëllait tim dhe familjes sime, ne duam t’ju falënderojmë të gjithëve për dashurinë dhe mbështetjen tuaj gjatë gjithë viteve”, shtoi ndër tjera ai. /Botapress.info/
