BRUKSEL, 25 janar /ATSH-DPA/ – Sekretari i përgjithshëm i NATO-s, Jens Stoltenberg pret që anëtarët e Aleancës të rrisin objektivin e tyre të shpenzimeve ushtarake në të paktën dy për qind të PBB-së.
”Unë pres që do të ketë një objektiv të ri për shpenzimet e mbrojtjes kur të takohemi në korrik të këtij viti për samitin e NATO-s në Vilnius”, shtoi ai për gazetën gjermane ”Die Welt”.
”Objektivi për të rritur shpenzimet në 2% të PBB-së kombëtare përkatëse u vendos në vitin 2014 për një periudhë 10-vjeçare, kështu që ne duhet ta përditësojmë atë tani. Por, unë supozoj se do të jetë një objektiv më ambicioz se më parë, sepse të gjithë e shohin se ne duhet të investojmë më shumë”, theksoi Stoltenberg.
Në funksion të luftës së Rusisë kundër Ukrainës, Stoltenberg la të hapur atë për të cilën shtetet e ardhshme anëtare mund të bien dakord konkretisht.
Shefi i NATO-s përmendi edhe buxhetin special të qeverisë gjermane prej 100 miliardë eurosh (109 miliardë dollarë) për forcat e armatosura gjermane, Bundeswehr-in.
Aktualisht, Gjermania është një nga disa anëtarë të aleancës që nuk arrijnë objektivin prej dy për qind./ /os/