Kemi kompani publike që prej vitesh shënojnë humbje të thella prej dhjetëra milionë eurosh. Ne besojmë se ka hapësirë të madhe për racionalizim, reduktim të administratës publike, e jo për të prodhuar taksa të reja për të mbledhur para, thotë kryetari i Lidhjes së Odave Ekonomike, Trajan Angelloski. për Radio Evropa e Lirë. I pyetur për çmimet e ushqimeve në tregjet botërore që kanë rënë gjatë gjithë vitit dhe janë 20 % më të ulëta se vitin e kaluar ndërsa në vendin tonë ushqimi është 20 % më i shtrenjtë se vitin e kaluar ai tha se vitin e kaluar pati një tronditje të madhe me luftën në Ukrainë, disa produkte ushqimore u shtrenjtuan, por në të njëjtën kohë u rrit edhe çmimi i punës, prandaj kemi përshtypjen se çmimet e ushqimeve nuk janë kthyer në nivelin e dëshiruar.
TRAJAN ANGELLOSKI, KRYETARI I LIDHJES I ODAVE EKONOMIKE
“Shumë njerëz emigrojnë ose gjejnë punë në vende të tjera dhe kostoja e punës rritet. Nuk kemi personel të caktuar në disponueshmërinë e dëshiruar, siç duhet, ndaj është e pritshme, jo vetëm ushqimi, por edhe shërbime të tjera, e gjëra të tjera që shfaqen si kosto në ekonomi ose lëndë të para ose energji ose gjithçka. tjetër që mund të bëhet më e shtrenjtë.”
I pyeut për Nismën Open Balkan e cila filloi më shumë se 3 vjet më parë, por disi po ecën ngadalë, Angelloski tha se kanë edhe disa rezerva në këtë fushë për sa i përket efikasitetit të zbatimit të disa ideve.
TRAJAN ANGELLOSKI, KRYETARI I LIDHJES I ODAVE EKONOMIKE
“Ne mbështesim nismën Open Balkans dhe mendojmë se është jashtëzakonisht pozitive dhe e dobishme për të gjitha ekonomitë dhe vendet e rajonit, por mendojmë se ka shumë më tepër takime politike dhe sipas analizave tona, janë vetëm disa masa të zbatuara dhe efikasiteti i zbatimit të këtyre ideve dhe masave duhet të jetë në një nivel më të lartë”.
Jemi dëshmitarë të një progresi të madh teknologjik, qoftë në industrinë e IT-së, qoftë në industri të tjera të ngjashme inxhinierike, kështu që mendoj se inxhinieria në këtë periudhë të ndryshimeve teknologjike është ndoshta zgjedhja e duhur për të rinjët që ti qasen studimeve të këtyre fushave.
Medina Ajeti Ali /SHENJA/
