Zëvendëskryeministri për çështje ekonomike Fatmir Bytiqi vlerëson se lista e produkteve në ligjin e TVSH është lexuar gabim, sepse, siç thotë ai vendimi ka dy pjesë, pjesa e parë janë produktet që bien nën tarifën preferenciale tatimore prej 5 %.
“Aty përkufizohet, ndryshe nga përkufizimi i mëparshëm në Ligj me detajet se cilat produkte janë nën normën tatimore preferenciale prej 5 %. Më tej në faqen 46 të vendimit thuhet se norma preferenciale e TVSH zbatohet për shitëblerjen e shërbimeve të mëposhtme. Janë gjithsej 358 produkte ose tarifa doganore me produkte të caktuara që janë nën normën e re prej 10 %”, ka deklaruar Bytyqi, raporton SHENJA.
Ai tha se nëse ka lëshime në seancën e ardhshme të Qeverisë, ato do të zgjidhen.
“Nëse tregtarët dhe prodhuesit e kanë lexuar ndryshe ose nëse nuk është mjaftueshëm i qartë, dikush nuk e di nëse p.sh. djathi i lopës duhet të përfshihet në 5 apo 10 %, të njëjtën gjë mund ta shpjegojmë në seancën e ardhshme të qeverisë dhe të zgjidhim lëshime të tilla nëse ka ndonjë. Duhet ta themi se çfarë është ajo që mendojmë se duhet të stimulojmë. Qytetarët kanë zakone ushqimore për produkte të caktuara, nëse në këtë moment besojmë se duhet të jenë në masën 10 %, lëmë hapësirë për ta rishikuar nëse është pjesë nevoja ditore të qytetarëve. Besoj se mund të ketë një interpretim të ndryshëm të tarifave të caktuara doganore, të produkteve të caktuara sepse nuk është plotësisht e qartë”, shtoi më tej ai.
Sa i përket patatinave, çamçakëzeve, akullores, ai tha se ato hyjnë në kategorinë e produkteve jo të shëndetshme sepse kanë vlerë më të lartë të sheqerit dhe nuk i konsideron si produkt ushqimor bazë. Ndërsa sa I përket ushqimeve të shëndetshme tha se do të rishikohen. /SHENJA/
