LONDËR, 25 janar /ATSH-DPA/ – Sekretari i Jashtëm britanik, lordi David Cameron ka zhvilluar një bisedë telefonike me kryeministrin izraelit Benjamin Netanyahun për nevojën për një zgjidhje me dy shtete, pasi kryeministri izraelit refuzoi thirrjet e aleatëve për një shtet palestinez.
Ministri i Jashtëm përsëriti thirrjen e tij për një “pauzë të menjëhershme humanitare” gjatë një takimi në zyrën e Netanyahut.
Kolegu konservator i kërkoi Izraelit të hapë më shumë pika kalimi drejt Gazës për të lejuar që ndihma e rëndësishme humanitare të arrijë në Rripin e rrethuar.
Ai gjithashtu bëri thirrje për mbrojtjen e mjekëve dhe spitaleve pas shkatërrimit të tyre në luftën në Gaza të shkaktuar nga gjakderdhja e Hamasit në Izrael më 7 tetor.
Lord Cameron u takua gjithashtu me presidentin e Autoritetit Palestinez Mahmoud Abbas në Ramallah, Bregu Perëndimor, gjatë misionit të tij diplomatik në Lindjen e Mesme.
Netanyahu ka mbajtur kundërshtimin e tij ndaj shtetësisë palestineze pavarësisht thirrjeve nga Shtetet e Bashkuara për të punuar drejt një zgjidhjeje me dy shtete pas konfliktit.
Udhëheqësi i një qeverie të ekstremit të djathtë tha javën e kaluar se ideja do të “rrezikonte shtetin e Izraelit”, ndërsa ai kritikoi “përpjekjen për të na detyruar”.
Lord Cameron përsëriti mbështetjen e Mbretërisë së Bashkuar për përpjekjet e Izraelit për të siguruar lirimin e pengjeve të mbetura, që besohet të jenë rreth 130, të mbajtur ende nga Hamasi./ /os/
