UASHINGTON, 8 mars /ATSH-ANSA/ – Çmimet e naftës së papërpunuar janë përsëri në rritje të madhe.
Indeksi WTI i Teksasit shënon një rritje prej 2,36% duke arritur në 122,04 dollarë për fuçi, ndërsa Brent ”fiton” 2,89% në 125,79 dollarë.
Bursat kineze mbyllën një tjetër ditë me humbje të mëdha për shkak të pasigurive për Ukrainën dhe rritjes së çmimeve të naftës dhe mallrave.
Indeksi i Shangait, Composite, humbi 2,35%, duke rënë në 3 293.53 pikë, ndërsa ai i Shenzhenit humbi 2,89%, në 2 139.67.
Në dritën e pasigurive për shkak të luftës në Ukrainë, çmimi i arit vazhdon të rritet, ndërkohë që rritja prek pothuajse të gjitha produktet, me nikelin në krye, i cili shënon një rritje rekord prej 66%.
Në muajin e fundit, kuotimet, thekson agjencia Bloomberg, janë rritur me 4%.
Argjendi dhe hekuri gjithashtu kanë shënuar rritje./ /os/