Policia të shtunën në mbrëmje arrestoi një 20 vjeçar nga Shkupi, ndërsa Prokuroria Themelore kërkoi paraburgim për të, pasi dyshohet se ai ka dhunuar tre fëmijë. Ngjarja ka ndodhur më 9 shtator, para një shkolle të mesme në Kisella Vodë.
PROKURORIA
“Përderisa njëri nga fëmijët e dëmtuar 15 vjeçar ishte ulur në bar-kafe me shokët e klasës, i dyshuari së bashku me dy persona të tjerë të panjohur ka hyrë brenda dhe e ka kapur fëmijën nga qafa dhe me forcë e ka nxjerrë jashtë. Duke e shtrënguar në qafë, ai e ka çuar në një garazh nëntokësor në afërsi dhe e ka goditur me grushta në fytyrë, duke i shkaktuar lëndime të rënda fizike – thyerjen e dy dhëmbëve të përparmë, buzë të çara dhe tronditje në tru”.
Nga prokuroria sqarojnë se i dyshuari më pas, i shoqëruar nga dy persona të tjerë, ka hyrë në oborrin e shkollës dhe i është afruar dy fëmijëve të tjerë 15-vjeçarë dhe i ka goditur me shuplaka dhe grushta duke u ka shkaktuar lëndime fizike. Sipas prokurorisë dhuna e të dyshuarit ka shkaktuar frikë dhe pasiguri tek nxënësit e pranishëm dhe tek dëshmitarët e tjerë të ngjarjes. Meqenëse ekzistojnë rrethana që tregojnë se I dyshuari mund të ikë ose ta pengojë procedurën penale duke ndikuar te dëshmitarët, prokurori publik kompetent i ka dorëzuar gjyqtarit të procedurës paraprake propozim për caktimin e masës së paraburgimit. /SHENJA/