BERLIN, 29 prill /ATSH-DPA/- Qeveria gjermane ka dënuar vendosjen e kufizimeve të mëtejshme të lirisë së medias në Rusi në lidhje me paraburgimin e dy gazetarëve rusë, të cilët gjithashtu punojnë për median perëndimore.
“Liria e medias nuk pritet të zbatohet në Rusi dhe po kufizohet gjithnjë e më shumë”, tha sot një zëdhënës i Ministrisë së Jashtme Federale, në Berlin.
Media ruse ka raportuar se të dy gazetarët akuzohen për pjesëmarrje në një organizatë ekstremiste. Paraburgimi i vendosur ndaj tyre të shtunën, fillimisht vlen deri në qershor.
Të dy gazetarët dyshohet se kanë ofruar materiale për kanalin “Navalny Live YouTube”, i cili është i ndaluar në Rusi.
Ky është një nga projektet mediatike të themeluara nga lideri i ndjerë i opozitës ruse Alexei Navalny, i cili vdiq në paraburgim në shkurt.//a.i/