TEL AVIV, 16 prill /ATSH-DPA/- Ushtria izraelite njoftoi sot se ka vrarë një komandant të Hezbollahut gjatë një sulmi në Libanin jugor.
Milicia e Hezbollahut e mbështetur nga Irani konfirmoi vdekjen e tij, megjithatë, nuk tha saktësisht se kur, ku dhe si u vra anëtari i Hezbollahut.
Agjencia shtetërore e lajmeve NNA raportoi se dy persona të tjerë u plagosën.
“Një automjet u godit në qytetin Ain Baal pranë kufirit izraelit gjatë sulmit”, raportoi NNA.
Duke cituar burime nga Libani jugor, media libaneze raportoi më herët se personi i vrarë ishte një anëtar i lartë i Hezbollahut.
“Personi kishte qenë përgjegjës për të gjitha aktivitetet ushtarake të milicisë pro-iraniane në zonën e prekur”, thanë raportet.
Sipas ushtrisë izraelite, komandanti kishte planifikuar sulme me raketa drejt Izraelit dhe u vra nga një sulm avioni në zonën e Ain Baal.
Më herët, ushtria në Izrael njoftoi se kishte regjistruar dy dronë sulmues në territorin izraelit. Ata kishin shpërthyer në zonën përreth Beit Hillel.//a.i/