Naum Stoillkov nga VMRO-DPMNE tha se reagimet e Departamentit Amerikan të Shtetit në lidhje me miratimin e ndryshimeve ligjore të Kodit Penal tregon se pushteti votoi jashtë logjikës, amnisti për veten e tyre.
“Kjo është vetëm një dëshmi e asaj që për çdo ditë me radhë po flasim se LSDM dhe BDI, jashtë procedurave, jashtë logjikës votuan amnisti për veten dhe për një numër të madh të krimeve të padënuara dhe skandaleve korruptive duke u frikësuar nga zgjedhjet dhe nga ajo se çka do të pasojë pas zgjedhjeve, por një do të shohim e ajo është se përgjegjësi do të ketë për të gjithë”, tha Naum Stoillkov nga VMRO.
