PARIS, 25 shkurt /ATSH-DPA/ – Pas lindjes së papritur në një ishull trafiku pranë Parisit, nëna e lumtur i ka vënë djalit të saj emrin e një burri të panjohur që e ndihmoi në lindjen e foshnjës.
”34-vjeçaren e kapën befas dhimbjet e lindjes në rrugë dhe u detyrua të shtrihej në një ishull trafiku, ndërsa burri po kalonte me makinën e tij”, raportoi gazeta ”Le Parisien”.
Ish-zjarrfikësi algjerian, i cili ndodhet pa dokumente në Francë, ndaloi menjëherë.
Ai e ndihmoi gruan gjatë lindjes dhe arriti të mbajë në krahë të porsalindurin.
Gjatë punës së tij me brigadën e zjarrfikësve në Algjeri, ai kishte përjetuar situata të tilla dhe e qetësoi nënën.
Më vonë e ndihmoi edhe një e re derisa ka mbërritur ambulanca.
”Algjeriani u prek aq shumë nga ngjarja sa nuk ishte në gjendje të flinte për disa netë”, raportoi ”Le Parisien”.
Kur e vizitoi nënën në spital, ai mësoi se nëna i kishte vënë emrin Rabah djalit të saj të vogël.
Kryebashkiaku i periferisë së Parisit, Aulnay-sous-Bois, ku ndodhi lindja, falënderoi algjerianin.
Ai tani shpreson të marrë letrat e qëndrimit në mënyrë që të mund të punojë përsëri në profesionin e tij./ a.jor.