Numri i viktimave nga tërmetet shkatërrimtare të javës që shkoi ka kaluar 35 000, teksa agjencitë e ndihmës japin alarmin se rreth 900,000 të mbijetuar të tërmeteve janë në nevojë urgjente për ushqim.
Rreth 5 milionë njerëz në Siri besohet se kanë mbetur të pastrehë pas tërmetit, ndërsa dje qeveria e presidentit Bashar al-Assad ka lejuar kalimet e ndihmave të OKB në dy pikë-kalime nga Turqia drejt zonave veriperëndimore në kontroll të rebelëve.
Zhvillimi vjen teksa njerëzit shpresojnë për të gjetur të tjerë të mbijetuar nënë rrënojat e ndërtesave.
Dje një djalë 13 vjeçar u gjet gjallë në rrënoja në Hatay, Turqi, pas rreth 180 orësh i bllokuar.
Presidenti turk Rexhep Tajip Erdogan ka thënë se disa mijëra njerëz kanë arritur të shpëtohen në situata të ngjashme.
Bashkë me vlerësimet e Erdogan për grupet e shpëtimit, në rrjetet turke është shpërndarë gjerësisht një video e vitit 2019 ku lideri turk mburret duke dhënë amnisti për kompanitë e ndërtimit që kishin shkelur standardet në miliona ndërtime në të gjithë Turqinë./Democracynow.org/
Top Channel
