SHBA – Administrata Biden shpall linë e majmunëve emergjencë kombëtare

by admin
Spread the love

UASHINGTON, 5 gusht /ATSH-DPA/ – Administrata Biden shpalli shpërthimin e lisë së majmunëve një emergjencë kombëtare të shëndetit publik në një përpjekje për të rritur ndërgjegjësimin dhe për të përshpejtuar përpjekjet për ta luftuar atë.

“Ne jemi të përgatitur për të çuar përgjigjen tonë në nivelin tjetër në përballjen me këtë virus dhe i bëjmë thirrje çdo amerikani që ta marrë seriozisht linë e majmunëve dhe të marrë përgjegjësinë për të na ndihmuar të trajtojmë këtë virus”, tha Xavier Becerra, sekretari i Departamentit të Shëndetësisë dhe Shërbimet Njerëzore.

Masa, e cila ka qenë në shqyrtim prej disa javësh, synon të përshpejtojë trajtimet dhe vaksinat e mundshme, të cilat sipas deklaratës nuk do të duhet të kalojnë më nëpër rishikimet e zakonshme federale.

Urdhri gjithashtu do t’i lejojë qeverisë më shumë fleksibilitet për të administruar furnizimin aktual të vaksinave.

Aktualisht, qeveria ka mungesë të furnizimit me stokun e saj të ”Jyennos”, e vetmja vaksinë kundër lisë së majmunit e miratuar aktualisht nga Administrata e Ushqimit dhe Barnave.

Megjithëse zyrtarët kanë thënë se rreth 1,6 milionë amerikanë janë në rrezik të lartë nga lija e majmunëve, SHBA ka vetëm doza të mjaftueshme të ”Jyennos” për të vaksinuar plotësisht 550 000 individë.

Organizata Botërore e Shëndetësisë e shpalli linë e majmunëve një emergjencë globale të shëndetit publik më 23 korrik./ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Lexo lajme interesante

You may also like