Në 19 tetor Schalke 04 shkarkoi nga puna për shkak të rezultateve të dobëta në kampionat trajnerin Frank Kramer.
Ndërkohë pas ndeshjeve të fundjavës në Bundesligë skuadra shkoi në vendin e fundit në tabelën e klasifikimit dhe tashmë zgjedhja e teknikut të ri është kthyer në një çështje shumë të rëndësishme.
Sipas mediave gjermane klubi i njohur ka kontaktuar Vladimir Petkovic. Ish-trajneri i Lazios është aktualisht pa punë, pas eksperiencës zhgënjyese te Bordeaux.
Kandidat për tu ulur në stolin e klubit gjerman është edhe ish-trajneri i Bochum, Thomas Reis. Aktualisht skuadrën e drejton tekniku i përkohshëm Matthis Kreutzer. / Oversport.tv