Jonida Vokshi është një nga moderatoret më të njohura, jo vetëm në Shqipëri, por edhe në Kosovë. Ajo është rikthyer tashmë në ekran, teksa e shohim të prezantojë së bashku me moderatorin Alaudini Hamiti reality-show-n “Big Brother VIP” në Kosovë.
Një eksperiencë tërësisht e re kjo për Jonidën, e cila së fundmi ka vendosur të tregojë disa gjëra interesante për të gjithë ndjekësit e saj në rrjete sociale. Moderatorja ka gjetur pak kohë të lirë për ta, për të zhvilluar një bisedë virtuale, e t’i shuajë kuriozitetin ndjekësve të saj.
Në adresën e Jonidës kanë mbërritur shumë pyetje, por sigurisht ajo i ka dhënë përgjigje vetëm disa prej tyre. E sigurisht, një prej ndjekësve të saj i ka bërë edhe një nga pyetjet tipike shqiptare se sa para merr Jonida nga televizioni për prezantimin e këtij programi.
‘Sa paguhesh në Big Brother VIP?’- ishte pyetja e bërë nga një prej ndjekësve, teksa edhe vetë Jonida Vokshi i ka dhënë një përgjigje tipike shqiptare, duke thënë se e bën për pasion. “E bëj për pasion”- shkruan ajo, duke e shoqëruar përgjigjen e saj me disa emoji duke qeshur.