Vizita e Agjencisë Ndërkombëtare të Energjisë Atomike (IAEA) në termocentralin bërthamor Zaporizhzhia, është mirëpritur nga Moska, sipas mediave shtetërore ruse.
Këtë mëngjes, mbikëqyrësi bërthamor i OKB-së tha se misioni i tyre i shumëpritur i ekspertëve në termocentral ishte “tani në rrugën e tij” pas disa muajsh përpjekjesh për të fituar akses në vend.
Vendi është objekti më i madh bërthamor i Ukrainës dhe i Evropës.
Tani, përfaqësuesi i përhershëm i Rusisë pranë organizatave ndërkombëtare në Vjenë, Mikhail Ulyanov, ka thënë se shpreson që misioni i IAEA do të “shpërndajë spekulimet e shumta” në lidhje me gjendjen e uzinës, raporton Skynews, përcjell Klankosova.tv
“Me sa kuptojmë ne, është qëllimi i drejtorit të përgjithshëm që të lërë disa njerëz në stacion në mënyrë të përhershme”, u citua të ketë thënë z. Ulyanov nga agjencia e lajmeve RIA.
Ulyanov tha gjithashtu se Rusia kishte dhënë “kontribut të rëndësishëm” në mision.
“Shpresojmë që vizitimi i termocentralit nga misioni i IAEA-s do të largojë spekulimet e shumta për gjendjen e pafavorshme të punëve në termocentralin bërthamor të Zaporizhzhia”.
