BRUKSEL, 29 prill /ATSH-ANSA/ – Bashkimi Evropian i ka premtuar Ukrainës mbështetjen e saj që nga fillimi i luftës dhe synon ta ruajë atë deri në përfundimin e armiqësive, deklaroi përfaqësuesi i Lartë i BE-së për Politikën e Jashtme, Josep Borrell.
“Ne duhet të vazhdojmë të mbështesim popullin ukrainas. Evropianët nuk do të vdesin për Donbassin. Do t’i ndihmojmë edhe ukrainasit të mos vdesin për Donbass”, theksoi Borrell.
Diplomati theksoi se ”BE është e përkushtuar për të ofruar ndihmë për Ukrainën që nga fillimi i luftës dhe do ta bëjë këtë deri në fund të saj, megjithëse kjo, për fat të keq, nuk do të ndodhë së shpejti”./ /os/
