MOSKË, 20 gusht /ATSH-DPA/- Në Krimenë e kontrolluar nga Rusia, e aneksuar nga Ukraina në vitin 2014 u raportua sot në mëngjes një shpërthim, pasi një dron i rrëzuar goditi ndërtesën e stafit të Flotës së Detit të Zi në Sevastopol, sipas autoriteteve.
“Mbrojtja ajrore e flotës ka rrëzuar dronin. Ai ra në çati dhe u dogj. Nuk ka pasur të vdekur”, tha kreu i administratës lokale ruse, Mikhail Razvozhayev.
Zyrtari publikoi një foto të çatisë së shkatërruar, duke fajësuar Ukrainën për sulmin.
Imazhet dhe videot që qarkullojnë në median sociale, autenticiteti i të cilave nuk mund të verifikohet në mënyrë të pavarur, treguan një re tymi që ngrihej në qiell pas një shpërthimi. //a.i/