Bllokimi i rrugëve nga rreshjet e borës duket se është një e shkuar tashmë për Komunën e Zhelinës pasi ky sezon i rreshjeve i ka gjetur të përgaditur dhe në kohë për të pastruar borën dhe hedhjen e krypës në vendet ku ka ngrica, shkruan InfoShqip.
Rrugët janë të kalueshme por përsëri kërkohet kujdes nga udhëtarët për të shmangur çdo rrezik të mundëshëm.
Kryetari i Zhelinës, Blerim Sejdiu ka publikuar pamje nga hedhja e krypës në vendbanimet e komunës edhe gjatë orëve të vona të natës.
“Vazhdojmë me hedhjen e krypës në disa vendbanime ku janë shfaqur ngrica përgjatë rrugëve. Kujdesi ndaj qytetarëve është prioritet i ynë, në çdo kohë!🚜❄
#komunaezhelinës #komunaezhelines”, ka shkruar Sejdiu.
Blerim Sejdiu u zgjodh në zgjedhjet e fundit edhe për një mandat të dytë në krye të kësaj komune, e cila shihet se po ndryshon./InfoShqip.com
