Pentagoni ka thënë se nuk ka indikacione se Rusia ka përdorur armë laser në Ukrainë, pasi Kremlini pretendoi se po përdorte laser për të goditur dronët e armikut.
“Ne nuk kemi asnjë indikacion për përdorimin e laserëve, të paktën laserëve të armatosur, në Ukrainë”, ka thënë zëdhënësi i Pentagonit, John Kirby, raporton Sky News.
Kjo vjen pasi Rusia tha se po përdorte një gjeneratë të re të laserëve të fuqishëm në Ukrainë në luftime.
Yury Borisov, zëvendëskryeministri rus i ngarkuar për zhvillimin ushtarak, tha në fillim të kësaj jave se Moska kishte zhvilluar një gjeneratë të re të armëve laser që do të digjnin objektivat e Ukrainës, me një prototip të quajtur “Zadira”.
Pothuajse asgjë nuk dihet publikisht për Zadiran, por në vitin 2017 media ruse tha se korporata shtetërore bërthamore Rosatom ndihmoi në zhvillimin e saj.
Rruga Press