Pas mbledhjes së aksionerëve të Premier League, klubet kanë zgjedhur të mos shtyjnë asnjë ndeshje gjatë periudhës festive në fund të vitit, pavarësisht rasteve me Covid-19, transmeton Insporti.
20 klubet e ligës u takuan të hënën për të diskutuar se si mund të përballeshin me problemin pasi gjashtë ndeshje u shtynë për shkak të rasteve të Covid-19 gjatë fundjavës.
Shtyrja e një xhiroje gjatë Krishtlindjeve ishte një mundësi.
Asnjë votim nuk u zhvillua dhe kështu ndeshjet do të zhvillohen normalisht.
Pritej që java e 20-të e lojës, që fillon më 28 dhjetor, të shtyhej për të lehtësuar presionin mbi skuadrat e Premier League.
Në vend të kësaj, klubet janë këshilluar se nëse kanë 13 lojtarë në formë, plus një portier, ata duhet të zhvillojnë ndeshjet.
Liga po planifikon gjithashtu që të katër ndeshjet e çerekfinales së Carabao Cup të zhvillohen këtë javë.
/Insporti
