NJU JORK, 4 mars /ATSH- DPA/ – Rusia tentoi “terrorizëm bërthamor” pas luftimeve në termocentralin bërthamor të Ukrainës në Zaporizhia, sipas ambasadorit të Ukrainës në Kombet e Bashkuara.
“Rusia është përfshirë qëllimisht në një sulm të armatosur në vendin e centralit bërthamor dhe në veprime që shkelin të gjitha marrëveshjet ndërkombëtare brenda Agjencisë Ndërkombëtare të Energjisë Atomike”, deklaroi Serhiy Kyslytsya në një takim urgjent të Këshillit të Sigurimit të Kombeve të Bashkuara në Nju Jork.
Ai tha se ”kjo vërtetoi edhe një herë se konflikti nuk është vetëm një sulm ndaj Ukrainës, por edhe ndaj Evropës, njerëzimit dhe brezave të ardhshëm”. /os/