Dea Mishel Hoxha ka treguar se pasi ka dalë nga shtëpia e ‘Big Brother VIP Albania’, mësoi se familjarët e saj kishin marrë mesazhe kërcënuese.
Teksa ishte e ftuar mëngjesin e sotëm në ‘Wake up’, ajo tregoi edhe një rast që i kishte ndodhur në rrugë. Dea tha se ka pasur një rast konkret kur e kanë përndjekur.
Sipas saj, tre burra rreth të 30-tave, ishin duke e ndjekur. Ajo shtoi se sjellja e tyre iu duk sikur kishin diçka që kishte mbetur pezull, pa sqaruar me të.
“Unë kam marrë kërcënime më shumë se të gjithë në momentin e nominimit. Prindërit e mi merrnin kërcënime, ‘të di shtëpinë’, ‘dua të të vras’…
Edhe kur dola më ndoqën disa njerëz dhe sikur kishin ndonjë muhabet të pasqaruar me mua. Ishin tre burra rreth të tridhjetave… Kishin pirë pak”
