Partia maqedonase në pushtet LSDM, në një kumtesë për media thotë se është për t’u përshëndetur ndryshimi i qëndrimit të Hristijan Mickoskit për ndryshimet kushtetuese.
Nga LSDM thonë se me këtë, tashmë të gjitha partitë, përfshirë edhe VMRO-në, pajtohen që kjo përbërje parlamentare të ketë legjitimitet dhe mandat të plotë për të zbatuar ndryshimet kushtetuese për të vazhduar rrugën evropiane.
“Është mirë që në mbledhjen e kryesisë u hodh një hap serioz dhe u arrit një pikë e caktuar, tani duhet të vazhdohet sa më shpejt dialogu në pjesën se si do të bëhen ndryshimet kushtetuese. Ne inkurajojmë Mickoskin që t’i përmbahet pikëpamjeve të tij të ndryshuara dhe të formojë ekipet e tij sa më shpejt të jetë e mundur”.
“Nëse ka një vullnet të sinqertë, nuk ka nevojë të presim apo të bëjmë takt, duhet të vazhdojmë të punojmë së bashku për ndryshimet kushtetuese, për realizimin e interesave shtetërore dhe kombëtare. Shteti, qytetarët nuk kanë kohë për të humbur, sepse sa më shpejt të miratohen ndryshimet kushtetuese, aq më e shkurtër do të jetë periudha e negociatave dhe aq më shpejt Maqedonia do të bëhet anëtare e plotë e BE-së”, thonë nga LSDM.
MARKETING
