TIRANË, 11 prill /ATSH/- Siç tha vetë Bridget Jones të gjithë e dinë se ditarët janë “plot me histori të pavërteta”, por ata që diktojnë monologët e saj të brendshëm bëjnë gjithashtu filma të mrekullueshëm, sipas BBC.
Renee Zellweger, Hugh Grant dhe Emma Thompson do të ripërsërisin rolet e tyre në një film të katërt të serisë, “Bridget Jones: Mad About The Boy”.
Filmi do të prezantohet për publikun në SHBA në Ditën e Shën Valentinit 2025, por asnjë datë nuk është shpallur në Britaninë e Madhe.
Filmi e ka marrë titullin nga romani më i fundit i Bridget Jones, i cili u botua në vitin 2013.
Lexuesit ribashkohen me Bridget në të 50-at e saj, nënë e dy fëmijëve dhe e ve pas vdekjes së Mark Darcy (të luajtur nga Colin Firth në filmat e mëparshëm).
Studioja e produksionit ka zbuluar se autorja, Helen Fielding ka shkruar skenarin.
Është konfirmuar gjithashtu se fituesja e dy çmimeve Oscar, Zellweger, do të riluajë rolin e saj si Bridget Jones e dashur, e pafat, ndërsa Grant, i cili nuk u shfaq në filmin e tretë, do të rikthehet si Daniel Cleaver.
Autorja britanike Helen Fielding tha më parë se kishte vendosur të shkruante Mark Darcy jashtë serialit, sepse ajo nuk donte që Bridget të ishte “një grua e martuar e vetëkënaqur”, një fat që u konsiderua krejtësisht i vajtueshëm nga mendimet e mëparshme të Jones.//a.i/
