Kim Kardashian dhe vajza e saj 8-vjeçare, North West, krijuan një llogari të përbashkët në TikTok të enjten në mëngjes (25 nëntor).
Llogaria ‘Kim and North’ grumbulloi më shumë se 130 mijë ndjekës dhe 430 mijë pëlqime në më pak se 24 orë, pjesërisht falë Kim, 41 vjeç, që ndau një nga videot e saj dhe North me qindra miliona ndjekësit e saj në Instagram dhe Twitter.
Dyshja nënë-bijë kanë qenë tashmë mjaft aktive që nga hapja e llogarisë së tyre, duke postuar 14 video në një hark kohor prej 12 orësh në Ditën e Falënderimeve.
Videoja e tyre e parë tregoi të dy duke kaluar një “ditë spa”, ndërsa ato shfaqnin pamje të ndryshme të produkteve “Kylie Skin”, shkruan PageSix.
Një tjetër video i dha një vështrim prapaskenave të dekorimeve të familjes së famshme për Ditën e Falënderimeve, duke përfshirë kashtë, kunguj dhe tullumbace festive.
Kardashian dhe fëmija i saj më i madh kanë tentuar gjithashtu tendenca të shumta të TikTok, të tilla si të këndojnë së bashku me hitin viral të reperit Coi Larey “TWINNEM”.
Në një tjetër video shfaqet North, mamaja dhe kushërira e saj Penelope Disick duke kërcyer me këngën “California Gurls” të Katy Perry.
Kardashian dhe North hapën llogarinë e tyre pasi Penelope, 9 vjeç, dhe nëna e saj, Kourtney Kardashian, krijuan faqen e tyre nënë-bijë në TikTok.
