KIEV, 22 tetor /ATSH-DPA/ – Kryeministri ukrainas Denys Shmyhal ka paralajmëruar një valë të re të një numri të madh refugjatësh në dritën e sulmeve ajrore të fundit ruse në vendin e tij.
“Nëse nuk ka më energji elektrike, ngrohje, ujë në Ukrainë, kjo mund të shkaktojë një cunami të ri migrator,” i tha ai edicionit të gazetës gjermane Frankfurter Allgemeine Zeitung.
Shmyhal akuzoi Rusinë se dëshiron ta “zhysë Ukrainën në një katastrofë humanitare” duke sulmuar infrastrukturën e saj civile. Ukrainës do t’i jepej një dimër i ftohtë në të cilin shumë njerëz mund të ngrinin deri në vdekje.
Në funksion të kësaj, ai bëri thirrje për “pajisje të lëvizshme të prodhimit të energjisë elektrike dhe ngrohjes”, si dhe pajisje për trajtimin e ujit.
Karburanti për gjeneratorët është ende i disponueshëm për momentin … por nëse ka ndërprerje të energjisë dhe ngrohje në shkallë të gjerë, Ukraina do të ketë nevojë për më shumë”, duke përfshirë importet e energjisë elektrike nga Perëndimi. /os/
