Gjykata Kushtetuese mori vendim për pagat e punonjësve në Ministrinë e Financave.
Kryetarja e Gjykatës, Dobrila Kacarska, sot tha se bëhet fjalë për anulim e jo shfuqizim, dhe kjo do të thotë se në të ardhmen punëtorët nuk do ta marrin pagën shtesë, por as nuk do t’i kthejnë paratë që i kanë marrë më parë.
Sipas Kacarskas, Gjykata Kushtetuese ngriti gjithashtu një rast pas iniciativës së paraqitur nga KSHPK për kontestimin e balancuesit për punësim sipas kombësisë.
“Është marrë vendim përfundimtar, me të cilin është anuluar dispozita e kontestuar e ligjit. Është vendim për anulim, jo për shfuqizuar, që do të thotë se në të ardhmen punëtorët nuk do ta marrin pagën shtesë, siç thuhet në ligj dhe nuk do t’i kthejnë paratë që kanë marrë më parë”, theksoi Kacarska.
