Ish-futbollisti i Manchester City-t dhe West Hamit, Trevor Sinclair, aktualisht analist sportiv në stacionin radiofonik “TalkSPORT” ka marrë kritika të shumta nga tifozët e futbollit, që kërkojnë madje shkarkimin e tij nga puna, për një postim të pamenduar në Twitter për ndarjen nga jeta të Mbretëreshës Elisabeth II.
Tweet-i i Sinclair erdhi menjëherë pasi Buckingham Palace njoftoi vdekjen e Madhërisë së Saj Mbretëreshës Elizabeta II në moshën 96-vjeçare, të enjten në mbrëmje.
Tifozët nxituan ta kritikonin 49-vjeçarin dhe kërkuan që TalkSPORT ta shkarkojë ekspertin e futbollit. Sinclair e fshiu postimin, por tashmë gafa e tij është bërë virale në rrjet.
Ish-pronari i Crystal Palace dhe kolegu i Sinclair në TalkSPORT, Simon Jordan, u përgjigj shpejt duke thënë se postimi i tij në Twitter ishte i papërshtatshëm.
“Trev, nuk jam i sigurt se është një mendim i duhur, e lëre më ta postoj në Twitter. Vendi ka humbur një person shumë domethënës dhe respekti dhe vlera duhet të jenë ndjenjat mbizotëruese dhe jo përçarja!’
Një tjetër nga ish-koleget e Sinclair në TalkSPORT, Georgie Bingham, ishte po aq e hutuar nga Tweet-i i Sinclair. Ajo tha: Çfarë dreqin po mendon Trev?’/ Super Sport
Top Channel
