AMSTERDAM, 19 janar /ATSH-DPA/ – Policia holandeze ka sekuestruar një sasi gjigante prej më shumë se 2 tonë ketaminë në qytetin Muiderberg, rreth 14 kilometra në lindje të Amsterdamit.
“Asnjëherë më parë nuk është zbuluar një sasi kaq e madhe lënde narkotike në Holandë”, tha sot policia.
Ketamina, e cila përdoret gjithashtu si drogë për festa, u gjet në Muiderberg dhe sipas policisë ajo ka një vlerë prej rreth 55 milionë euro (60 milionë dollarë).
Ata thanë se është ndaluar një 55-vjeçar.
Ketamina është një anestezik e njohur për efektet e saj mpirëse dhe halucinogjene.//a.i/