ESEN, 15 janar /ATSH-DPA/ – Sot në mbrëmje, më shumë se 10 000 njerëz demonstruan kundër partisë së ekstremit të djathtë Alternativa për Gjermaninë (AfD) në qytetin Essen në perëndim të vendit dhe Leipzig në lindje.
Shumë prej tyre mbanin pankarta me slogane të tilla si: “Mos i lini nazistët të marshojnë ose të marrin pjesë në qeveri”.
AfD ka parë që popullariteti i saj të rritet teksa shfrytëzon ankthin ekonomik dhe frikën e migracionit. Sondazhet tregojnë AfD-në si partinë e dytë më të fortë në Gjermani. /os/