Superylli i Real Madridit, Vinicius Junior thuhet se mund të detyrohet të largohet nga Santiago Bernabeu nëse Kylian Mbappe transferohet te madrilenët në verë.
Sipas një raporti nga Foot Mercato, gjigantët spanjollë mund të detyrohen të ndajnë rrugët me xhevahirin e tyre brazilian nëse transferimi i tyre i ëndrrave për sulmuesin e Paris Saint-Germain realizohet.
Lidhjet e Kylian Mbappe me Real Madridin nuk janë sekret. Superylli i PSG-së pritet të përfundojë një transferim sensacional në Santiago Bernabeu në fund të sezonit.
Lëvizja duket e destinuar të ndodhë këtë herë, por do të kishte një ndikim të madh te një yll i Los Blancos – Vinicius Junior.
Sipas tv spanjoll Chiringuito de Jugones, braziliani mund të detyrohet t’i thotë lamtumirë Santiago Bernabeu-t kur ylli i PSG të arrijë në verë.
Historia thekson se kjo mund të ndodhë për shkak të dy faktorëve.
Faktori i parë është nga pikëpamja financiare. Në planin financiar, ardhja e Kylian Mbappe pritet të jetë e shtrenjtë për sa i përket pagës dhe bonusit të nënshkrimit.
Prandaj, Real Madridit mund t’i duhet të ndajë rrugët me një nga asetet e tyre kryesore për të kompensuar shpenzimet.
Së dyti, besohet se të dy lojtarët nuk kanë gjasa të shfaqen në ekip pa i zënë vendin njëri-tjetrit.
Kjo, së bashku me ardhjen e mundshme të Endrick dhe praninë e sulmuesve të tjerë në skuadër, do të krijonte një problem serioz.
Vinicius nuk do të ketë mungesë opsionesh pasi pothuajse çdo klub në Europë do të dëshironte ta kishte atë në radhët e tyre.
Largimi i tij gjithashtu do t’i sillte Los Blancos një shumë të madhe parash, me vlerën e tij aktuale të merkatos që qëndron në 150 milionë euro, sipas Transfermarkt.
