BERLIN, , 4 shtator /ATSH-DPA/ – Pas bisedimeve ndërmjet mbrëmjes së së shtunës dhe mëngjesit të së dielës, qeveria gjermane njoftoi një paketë mbështetjeje prej më shumë se 65 miliardë euro (64.7 miliardë dollarë) për të ndihmuar banorët mes kostove të larta të energjisë dhe inflacionit.
Ndër ndërhyrjet: një biletë e re më e lirë e transportit publik kombëtar, një pagesë fikse për pensionistët dhe studentët, përkatësisht 300 dhe 200 euro për të mbështetur kostot e energjisë, një rritje e përfitimeve dhe një rritje në pagesën mujore të paguar për prindërit për çdo fëmijë.
Për më tepër, qeveria do të prezantojë çmime më të ulëta për një nivel të caktuar të konsumit bazë të energjisë, në mënyrë që konsumatorët të duhet të paguajnë çmime më të larta vetëm pasi të tejkalohet kjo shumë.
Paketa synon “të gjitha familjet – përfshirë pensionistët, studentët, studentët teknikë dhe praktikantët”, tha qeveria në një deklaratë. /os/
