Tre fitore dhe një barazim me 9-të gola të shënuar është epilogu i katër ndeshjeve të xhiros së 10-të të sezonit vjeshtor në Ligën e Parë të futbollit vendor. Dy ndeshje Struga Trim Lum – Sileksi dhe Vardari – Shkëndija zhvillohen të dielën në ora 14:00.
Skuadra e Gostivarit bëri befasinë më të madhe në xhiron e 10-të të sezonit vjeshtor pasi nga Strumica kthehet me fitore të madhe në përballjen me AP Brera 0-1, me golin e vetëm që e realizoi Lanre Kehinde në minutën e 15-të të pjesës së pare. Për skuadrën vendase ishte kjo ndeshje e gjashtë me radhë që nuk e kanë shijuar fitoren, ndërsa pë Gostivari ishte fitorja e tretë sezonale
Fitore me rëndësi të madhe sot ka shënuar edhe Voska Sport në cilësinë e vendasit 2-1 kundër Makedonija Gj.P. edhe kësaj radhe për fitoren e tretë sezonale u përkujdes Aleksa Marushiq me dy golat e tij në minutën22’ dhe në 74-të nga penaltia. Marushiq me 9-të gola kryesuar listën e golashënuesve më të mirë. Autor i golit të vetëm për miqtë ishte Aleksovski në minutën e 26-të.
Në Kavadar, Tikveshi vendas barazoi 1-1 me FC Shkupin. Të parët në epërsi kaluan vendasit me golin e Ediz Spahiut në minutën e 22-të, ndërsa Arbi Vosha barazoi rezultatin në minutën e 37-të me një super gola si gjithmonë stilin e tij të njohur.
Në Bregallnica mundi Rabotniçkin 2-1. Autorë të golave ishin n Anderson (15’) dhe Webster (72’), ndërsa golin e nderit për romantikët e shënoi Atdhe Mazari në minutën e 32-të
Rezultatet e sotme
AP Brera – Gostivari 0-1
Voska Sport – Makedonija Gj.P 2-1
Tikveshi – Shkupi 1-1
Bregallnica – Rabotniçki 2-1
