Cubi Metkaj është një emër i konfirmuar tashmë në fushën e aktrimit, teksa prej disa vitesh e shohim në programet e humorit ‘Apartamenti 2xl’ dhe ‘Klanifornia’. Së fundmi Cubi ishte e ftuar në programin festiv ‘Klanifornia’ ku ka bërë një deklaratë shumë të fortë.
Si rrallë herë, aktorja ka folur pa doreza, teksa e pyetur se cili regjisor e ka ngacmuar seksualisht, ajo ka treguar emrin e tij. Cubi ka dhënë përgjigjen ndonëse të suksesshme, duke rrëfyer publikisht se regjisori që e ka ngacmuar seksualisht është Xhoslin Rama.
Kujtojmë që pak kohë më parë, vetë aktorja ka zbuluar se në fillimet e karrierës së saj, atë e kanë ngacmuar seksualisht. Nuk dihet nëse regjisori është i vetmi që e ka ngacmuar aktoren seksualisht apo jo, por zbulimi i emrit të tij nga ana e Cubit është një guxim i madh, sidomos në vendin tonë.
Aktorja është pjesë e pandarë tashmë e tavolinave të humorit shqiptar, teksa ka sjellë me dhjetëra imitime në skenën e ‘Apartamentit 2xl’ dhe ‘Klanifornias’.