Për shkak të Krizës energjetike Agjencia për Shërbime Mediatike Audio dhe Audiovizive ul për 25 % tarifën e licencës së transmetuesve. “Duke marrë parasysh zhvillimet aktuale me krizën energjetike dhe rritjen e madhe të çmimit të energjisë elektrike, që ndikon drejtpërdrejt në funksionimin dhe qëndrueshmërinë ekonomike të transmetuesve, Agjencia për Shërbime Mediatike Audio dhe Audiovizive do të ofrojë ndihmë financiare – donacion për transmetuesit, i cili do të realizohet nëpërmjet uljes së tarifës së licencës së transmetimit radioteleviziv të tyre për vitin 2023”, thuhet në Komunikatën e Agjencisë.
“Në kuadër të mundësive financiare të Agjencisë, kjo ulje arrin në 25% të tarifës së licencës, e llogaritur sipas formulës së përcaktuar në Ligjin për Shërbimet Mediatike Audio dhe Audiovizive”, thuhet në komunikatën e Agjencisë.
Agjencia shpreson se me këtë donacion do të kontribuojë në tejkalimin e pasojave të krizës aktuale energjetike dhe në funksionimin normal të transmetuesve në vitin e ardhshëm.
