BRUKSEL, 16 prill /ATSH-DPA/- Bashkimi Evropian po planifikon sanksione të reja ndaj Iranit pas sulmeve me raketa dhe dronë të Teheranit ndaj Izraelit, tha sot shefi i politikës së jashtme të BE-së, Josep Borrell, në Bruksel.
“Rajoni është në buzë të një humnerë”, paralajmëroi Borrell, duke përshkruar situatën e tensionuar në Lindjen e Mesme.
“Duhet të largohemi prej saj”, shtoi ai.
“Masat e reja ndëshkuese mund të përcaktohen përmes një regjimi sanksionesh të vendosura pasi Irani filloi të mbështesë luftën ruse kundër Ukrainës duke furnizuar Moskën me drone”, tha Borrell.
Ministrat e Jashtëm të BE-së diskutuan sulmin iranian në një video-konferencë, të thirrur posaçërisht pasi Irani sulmoi drejtpërdrejt Izraelin të shtunën, për herë të parë në historinë e Republikës Islamike, si hakmarrje për vrasjen e oficerëve të lartë iranianë në Siri në fillim të muajit prill.//a.i/