LONDËR, 13 nëntor /ATSH-ANSA/ – James Cleverly, i cili deri më tani mbante postin e ministrit të Jashtëm, është emëruar nga kryeministri Rishi Sunak sekretar i Brendshëm, pas shkarkimit të Suella Braverman.
Shkarkimi i Braverman është pjesë e një riorganizimi në shkallë të gjerë të qeverisë britanike, që përfshin pozicione të nivelit të lartë.
Në minutat e fundit, Sunak priti edhe David Cameron në Downing Street, i gatshëm për një rol të ri edhe mundësisht një rikthim të bujshëm në skenë për ish-kryeministrin që dha dorëheqjen pas referendumit për Brexit.
Suella Braverman është shkarkuar nga posti i sekretares së Brendshme britanike, konfirmuan për Press Association burime në zyrën e kryeministrit Rishi Sunak.
Kryeministri britanik, Rishi Sunak shkarkoi sot ministren e tij të Brendshme, Suella Braverman, sidomos për kritikat ndaj policisë, si pjesë e një riorganizimi përpara zgjedhjeve legjislative të vitit të ardhshëm, thanë disa media britanike./ /os/
