Përfaqësuesi i posaçëm i Bashkimit Evropian për dialogun Kosovë-Serbi, Mirosllav Lajçak takoi sot përfaqësuesin e Kosovës, Besnik Bislimin dhe Petar Petkoviçin nga pala serbe, në Bruksel.
Gjatë takimit fokus i duskutimeve ishte marrëveshja midis dy vendeve e arritur në Ohër, për të arritur normalizimin e situatës.
Edhe pse nuk janë treguar shumë detaje nga takimi i rëndësishëm, paraprakisht Lajçak njoftoi në Tëitter rreth diskutimit që do të zhvillonte me dy përfaqësuesit e palëve.
“Sot, jam duke pritur një takim dialogu në nivel të kryenegociatorëve në Bruksel për të diskutuar zbatimin e Marrëveshjes për Rrugën drejt Normalizimit dhe çështjet aktuale urgjente”, njofoi paraprakisht në Twitter Lajçak.
BE-ja ndërkohë i ka bërë thirrje Kosovës dhe Serbisë që të përmbahen nga vlerësimet që mund të prishin atmosferën e dialogut.
Gjithashtu shpreson se ajo që ka ndodhur në dy ditët e fundit në Kosovë nuk do të ndikojë në takimin ndërmjet kryenegociatorëve.
Këtu bëhet fjalë për protestat masive në mbështetje të gjykimit të ish-krerëve të UÇK-së në Hagë për krime lufte.
Pas takimeve dypalësh, pritet takimi trepalësh, ku sipas BE-së palët do të diskutojnë për hapat e ardhshëm në zbatimin e Marrëveshjes për rrugën drejt normalizimit të marrëdhënieve ndërmjet Kosovës dhe Serbisë.
Bislimi ka takuar edhe komisionerin e BE-së, Oliver Varhelyi dhe kanë diskutuar për integrimin e Kosovës.
Komisioneri evropian shkroi në Tëitter se kanë biseduar për agjendën e reformave evropiane dhe për opsionet se si do të mund të ndihmoj Komisioni Evropian në implementimin e atyre që janë arritur në dialog, që ky të jetë i suksesshëm.
Zëdhënësi i BE-së Peter Stano deklaroi ditën e djeshme se presin kontributin e të dyja palëve për të bërë të mundur diskutimin e hapave që nevojiten për zbatimin e detyrimeve që dalin nga marrëveshja.
Top Channel
