Qeveria në pushtet, Lëvizja Vetëvendosje e ka krahasuar presidentin e Rusisë, Vladimir Putin, me ish-kriminelin dhe udhëheqësin e luftërave në Ballkan, Slodoban Millosheviq.
Vetëvendosje tha se të dy këta kanë veprime e deklarata të ngjashme.
“Të dy autokratë e kriminelë që vazhdimin e politikës e shohin me mjete ushtarake kur dështojnë e janë të pafuqishëm në tryezë”, thuhet në reagimin e VV-së, transmeton Klankosova.tv.
Më tej, për partinë e Albin Kurtit, Putin e Millosheviq janë mohesur të lirive e të drejtave të njeriut, të kombeve që duan paqe e bashkëjetesë njerëzore me fqinjët.
Për VV-në, Putin e Millosheviq kanë edhe disa gjëra, kryerjen e gjenocidit, mohimin e krimeve e bashkëpunimin me presidentin aktual të Serbisë, Aleksandar Vuçiq.
“Njëri vdiq pa ju shqiptuar dënimi, tjetrit po ja shqipton dënimin e gjithë bota e lirë dhe demokratike”.
“Autokrati Vuçiq që si ministër i shërbeu Millosheviçit, e si president po i shërben Putinit duhet të ndëshkohet edhe për të kaluarën edhe për të tashmen e shërbimit të tij”, thuhet në reagimin e VV-së, transmeton Klankosova.tv.
The post VV e krahason Putinin me Millosheviqin, kërkojnë ndëshkimin e Vuçiqit appeared first on Klan Kosova.
