“Hristijan Mickoski të përgjigjet para mediave se a po frikësohet nga ajo çfarë do të tregojë hetimi për rastin në Onkologji, për gjithçka që është bërë me vite”. Kështu e pyetën liderin e VMRO-DPMNE-së, LSDM-ja.
Skema morbide siç qëndron në komunikatën e tyre dërguar mediave, ka qenë e vendosur para shumë viteve dhe tani është koha që secili që ka gabuar të përballet me përgjegjësi dhe të dalë para drejtësisë.
LSDM
“Dukshëm lidhja e Mickoskit për hetimin me kërkesën e re për zgjedhje, është vetëm që të mos zgjidhet kjo çështje, e cila hapet për herë të parë pas 20 viteve. Mickoski, në vend që ta përshëndesë aksionin e institucioneve kompetente për zbardhjen e krimit në Klinikën e Onkologjisë, po mundohet ta politizojë rastin duke keqpërdorur të sëmurët”.
Nga VMRO thonë se personat e përfshirë në çfarëdo lloj mënyre në këtë mega skandal, duhet të përgjigjen politikisht, por edhe penalisht.
VMRO-DPMNE
“Ose Kovaçevski si kryeministër është personalisht përgjegjës, sepse nuk ka ndërmarrë asgjë, kurse është përgjegjës për punën e ministrave në rastin konkret ministrat e Shëndetësisë. Përgjegjës janë Bekim Sali, Fatmir Mexhiti. Por përgjegjës janë edhe Venko Filipçe dhe Arben Taravari”.
Ngjarjet në Klinikën e Onkologjisë kanë të bëjnë me rishitjen e barnave të shtrenjtë –citostatikëve dhe me zëvendësimin e terapive të të prekurve nga kanceri me tretësirë fiziologjike. Në rrjet dyshohet se janë përfshirë disa mjekë dhe personel mjekësor i Klinikës.
Emine Ismaili /SHENJA/
MARKETING
