Ecuria prej 8 fitoresh radhazi në kampionat e PSG-së, është ndalur mbrëmjen e sotme. Kryeqytetasit e Luis Enrikes nuk shkuan më shumë se barazimi 1-1 në transfertë ndaj Lilës së Edon Zhegrovës.
Një gol në minutën e 93-të i realizuar nga Dejvid, i hoqi nga duart fitoren e 9-të radhazi PSG-së, që kishte gjetur avantazhin me Mbape në minutën e 66-të. Ylli francez arriti të realizonte me penallti në këtë sfidë.
Ndërkohë për sa i përket Edon Zhegrovës, ai zhvilloi një paraqitje mbresëlënëse, teksa është zgjedhur lojtari më i mirë i ndeshjes sipas “Flashscores”, që e ka vlerësuar me notën 7.8. Ylli i Kosovës, ka arritur të “eklipsojë” në këtë përballje një emër të madh si Kilian Mbape, që u vlerësua me notën 7.1.
Pavarësisht barazimit mbrëmjen e sotme, PSG-ja udhëheq kampionatin me 37 pikë, pesë më shumë se ndjekësit e Nisës.
PANORAMASPORT.AL