STAMBOLL, 15 tetor /ATSH-DPA/- Pas një shpërthimi në një minierë qymyri në veri të Turqisë jane raportuar të paktën 22 të vdekur dhe 17 të plagosur, njoftoi dje në mbrëmje ministri i Brendshëm, Suleyman Soylu.
“Në momentin e shpërthimit, në minierë ndodheshin gjithsej 110 punëtorë”, tha Soylu.
Ai tha se 49 prej tyre ndodheshin në pjesët më të thella të minierës ku rreziku është më i madh.
“Shpërthimi dyshohet të ketë ndodhur rreth orës 18:15 ndërsa shkaku i saktë nuk është bere ende i qartë”, tha ministri i Energjisë, Fatih Donmez.
Turqia mban një nivel rekord të aksidenteve në miniera për shkak të rregulloreve të dobëta të sigurisë.
Në vitin 2014, një shpërthim në një minierë qymyri në distriktin Soma të provincës Manisa të Detit Egje shkaktoi vdekjen e 301 personave.//a.i/
