Mesfushori i Sassuolos, Hamed Traore ka dhënë një intervistë për “La Gazzetta dello Sport”:
“Kam ardhur nga Afrika në Itali për të ndjekur ëndrrën time në futboll. Dua që të kem edhe familjen time këtu pranë. Ata që mbyllin kufijtë, nuk e kuptojnë se shumë njerëz marrin rreziqe të mëdha për të ndryshuar jetën e tyre.
Roli im i preferuar? Jam instiktiv gjatë lojës: i respektoj detyrat, por bëj edhe interpretimin tim. Pas 2 minutave e kuptova që kisha bërë gabim që debatova me Dionisin kundër Juventusit. I kërkova falje menjëherë në fushë. Po përmirësohem, por duhet të kem vazhdimësi në paraqitjet e mia.
Andreazzoli? Te Empoli e thërrisja gjyshi, është një njeri i veçantë. Kur firmosa për Sassuolon e falënderova dhe ai më tha: Nuk duhet të më falënderosh mua, por mamanë tënde. Është një mjeshtër”, ka thënë Traore. / Oversport.tv
Foto: Sassuolo Twitter