Fikayo Tomori ishte një nga lojtarët protagonistë të Milanit, që fitoi titullin kampion në Serie A pas 11 vitesh.
“Shumë njerëz dyshonin te ne, mendonin që në fund nuk do ta fitonim titullin, por ne u treguam që gabonin. Festimet e tifozëve ishin të mrekullueshme, nuk arrij ta përshkruaj mirë atë që ndodhi. Këtu jam shumë i lumtur dhe po argëtohem. Dua atë vazhdoj të rritem dhe të fitoj akoma më shumë”, ka thënë mbrojtësi anglez i kuqezinjve për “The Sun”.
“Trajneri më ka ndihmuar duke më shpjeguar si të mbroj, në nivel individual dhe në nivel skuadre. Kam mësuar shumë sepse në Serie A gjyqtarët japin më shumë faulle, duhet të jesh i sigurtë që duhet të prekësh topin në dylyftime.
Flas çdo ditë me Maldinin dhe kur erdhi telefonata e Milanit mezi prisja që të nisesha në Itali për të përjetuar diçka të re”, ka thënë Tomori. / Oversport.tv
