TEL AVIV, 18 dhjetor /ATSH-ANSA/ – SHBA vazhdon të besojë në zgjidhjen me 2 shtete, deklaroi Sekretari i Mbrojtjes Lloyd Austin në një konferencë për shtyp me homologun e tij izraelit Yoav Gallant.
“Ne e dimë se sa e vështirë është, veçanërisht pas 7 tetorit, por paqëndrueshmëria dhe pasiguria e vazhdueshme shkojnë në dobi të Hamasit”, shtoi ai.
Për të ardhmen e Gazës, Austin deklaroi se “izraelitët dhe palestinezët kanë paguar një çmim shumë të lartë për t’u kthyer në 6 tetor”.
”Sot diskutova rrugët drejt një të ardhmeje për Gazën pas Hamasit, bazuar në parimet e qarta të vendosura muajin e kaluar nga miku im Blinken”, shtoi ai. /os/
