HAMBURG, 18 tetor /ATSH/ – Ish-kancelari gjerman Gerhard Schroder ftoi një grup miqsh në Lakeside, Hamburg, në një nga restorantet më të mira në Gjermani me dy yje Michelin, shkruan faqja ilmessaggero.it.
Schroder u vetofrua t’u paguante darkën mysafirëve të tij, por nëse dikush dëshironte diçka speciale jashtë menusë, do ta paguante vetë.
Ndërsa darka mbaroi ndodhi e papritura.
Ish-kancelari gjerman Schroder e gjeti veten me një faturë shtesë prej 6 117 eurosh, të cilën refuzoi ta paguante.
Kjo situatë bëri që në restorantin ultraluksoz të kërkohej ndihma e policisë nga ana e restorantit.
Midis të ftuarve të tij, megjithatë, kishte nga ata që nuk e kuptuan, pasi një sipërmarrës iranian, 41 vjeç, me sa duket porositi verëra me vlerë 6 117 euro.
Schroder refuzoi të paguante, po ashtu edhe biznesmeni.
Kur mbërriti policia, sipërmarësi iranian ishte larguar.
Pronarët e restorantit do ta denoncojnë për mashtrim./ /os/