Barazimi ndaj Ishujve Faroe i ka mjaftuar Shqipërisë që të sigurojë vendin e parë në grupin e saj kualifikues, por mbi të gjitha të sigurojë vazon e dytë në shortin e fazës finale të “Euro 2024”.
Vazot do të plotësohen përfundimisht pas sfidave të fundit eliminatore, ku do të zgjidhet edhe dilema se cila mes Kroacisë dhe Uellsit se kush do të shkojë direkt në Europian.
Gjithsesi Vazot e parë dhe e dytë janë kompletuar tashmë. Në të parët kundërshtari pritet që të jetë i frikshëm, ku janë emra të mëdhenj si Gjermania, Portugalia, Franca, Spanja, Belgjika dhe Anglia.
Në vazon e tretë kundërshtarët më të fortë janë Holanda dhe Italia.
Ndërkohë që në vazon e katërt rrezikojmë të “peshkojmë” Serbinë apo Zvicrën.
