UASHINGTON, 10 prill /ATSH-AFP/ – Presidenti amerikan, Joe Biden foli në një intervistë të transmetuar të martën kundër politikës së kryeministrit izraelit Benjamin Netanyahu në Rripin e Gazës duke e konsideruar atë një gabim.
Ai i kërkoi gjithashtu Izraelit arritjen e një armëpushimi.
“Unë mendoj se ajo që ai po bën është një gabim”, deklaroi Biden.
”Unë nuk jam dakord me qasjen e tij”, tha presidenti amerikan në një intervistë për stacionin e gjuhën spanjolle ”Univision”, në përgjigje të një pyetjeje në lidhje me zhvillimin e luftës./ a.jor.