24 vjet më parë në Llapushnik të Drenasit u zhvillua beteja e ashpër ndërmjet forcave të Ushtrisë Çlirimtare të Kosovës (UÇK) dhe pushtuesve serbë, betejë kjo e njohur si Beteja e Grykës së Llapushnikut.
Përballja u zhvillua për tri ditë me radhë nga 8, 9 dhe 10 maj dhe ishte njëra ndër betejat më të lavdishme të UÇK-së.
Nga ky ballafaqim kishte rënë heroikisht Besim Halilaj, njofton Klan Kosova.
Lufta e zhvilluar në Grykës së Llapushnikut për kontrollin e kësaj zone, ka qenë më e rëndësishmja për Ushtrinë Çlirimtare të Kosovës, pasi e bënte të pakalueshme për forcat serbe rrugën Prishtinë – Pejë.
Gryka e Llapushnikut u mbajt e bllokuar për muaj me radhë, duke u mundësuar luftëtarëve të UÇK-së që të lëvizin të lirë në një pjesë të madhe të territorit të Kosovës dhe kjo ua mundësoi që të organizohej dhe të furnizohej me armatim.
